Sipas anketës së re e cila ka përfshirë 32 mijë tifozë nga 185 vende të botës, sulmuesi i Liverpoolit, Fernando Torres, është ylli më i popullarizuar i Premierligës, përkundë Cristiano Ronaldos. Rezultatet e anketës globale kanë treguar po ashtu se Premierliga momentalisht është liga më e popullarizuar në botë, dhe e cila përcillet në 611 milionë shtëpi në 211 vende. Sipas anketës, Premierliga ndiqet nga 98% e të anketuarve, që është dyfish më shumë se rivali më i afërt, liga spanjolle La Liga. Manchester United vazhdon të jetë klubi më i popullarizuar me 26%, shumë pak përpara Liverpoolit, derisa Arsenali është para Chelseat, me 15%. “Që të shpallesh si futbollisti më i dëshiruar është një nder i pabesueshëm”, ka pranuar sulmuesi spanjoll Fernando Torres.
