Liverpooli shuan gëzimin e Chelseat
Skuadra e Liverpoolit ka shënuar fitore bindëse kundër Boltonit me rezultat 3-0, për t’i dhënë fund qëndrimit dyorësh të Chelseat në krye të tabelës.
Golin e parë për skuadrën vendase e shënoi Albert Riera (26’) pas një krosimi nga këndi të kapitenit Steven Gerrard, dhe me këtë rezultat përfundoi pjesa e parë e ndeshjes.
Dy gola të shpejtë të shënuar në pjesën e dytë nga Robbie Keane (53’ dhe 58’) i dhanë fund pyetjes për fituesin e takimit.
Golin e parë personal dhe të dytin për Liverpoolin, Keane e shënoi tetë minuta brenda pjesës së dytë, ndërsa asistues ishte sërish kapiteni Gerrard.
Keane shënoi edhe golin e tretë për Liverpoolin nga një aksion i filluar nga portieri Pepe Reina, i cili përfshiu Xabi Alonson dhe mesfushorin e djathtë, Benayoun.
Me këtë fitore, Të Kuqtë mbajnë kreun me një pikë më shumë se përcjellësi i parë, Chelsea.