Portugezi Kristiano Ronaldo edhe këtë vit mori një çmim me vlerë individuale. Ronaldo mori çmimin e sapokrijuar “Ferenc Pushkash” për golin më të bukur të vitit.
Sulmuesi i cili tashmë është pjesë e Real Madridit, ishte nderuar me këtë çmim falë golit të tij të shkëlqyer në ndeshjen e Ligës së Kampionëve kundër Portos, kur ishte pjesë e skuadrës së Mançester Junajtedit.
Goli i Kristiano Ronaldos ishte shumë me vlerë pasi pikërisht goli i tij në “Dragao” bëri që “djajtë e kuq” të kualifikohen në gjysmë finale dhe më pas edhe në finale ku pësuan nga skuadra e Barcelonës.
Çmimi është dhënë nga FIFA në nder dhe përkujtim të sulmuesit të madh, hungarezit Ferenc Pushkash, i cili ishte motori i ekipit kombëtar të vendit të tij në vitet e 50 të shekullit XX. Në këtë votim morën pjesë rreth 120 mijë tifozë të futbollit
