Wenger: Fabregas katër muaj jashtë fushe
Kapiteni i Arsenalit Cesc Fabregas do t’i kalojë katër muajt e ardhshëm jashtë fushe pas lëndimit që ka pësuar në ndeshjen e të dielës kundër Liverpoolit.
Mesfushori spanjoll lëndoi gjurin në derbin e zhvilluar në Emirates, ndërsa Trajneri Wenger u detyrua ta zëvendësonte atë me Abou Diabyn.
Pas ndeshjes u njoftua se 21-vjeçari ka këputur ligamentin e mesëm të gjurit të djathtë, ndërsa ekzaminimet e mëvonshme kanë treguar se ai do të mungojë për një kohë të gjatë.
“Lajmi nuk është i mirë. Ai do të japë maksimumin për t’u kthyer sa më herët, por unë llogaris katër muaj”, ka thënë Wenger.
