Grupi i Punës për liberalizimin e vizave në Kosovë pritet të zhvillojë një mbledhje ditën e sotme. Sipas burimeve zyrtare, takimi i Grupit punues për liberalizimin e vizave ka p[ër qëllim diskutimin e arritjeve të deritanishme dhe sfidat që janë evidentuar gjatë zbatimit të Udhërrëfyesit dhe Planit të Punës për këtë çështje.
Sipas zyrtarëve në Prishtinë, në këtë takim do të marrë pjesë Ministri i Punëve të Brendshme, Zenun Pajaziti dhe anëtarët e Grupit ndërministror, përgjegjës për koordinimin dhe zbatimin e Udhërrëfyesit dhe Planit të Punës për liberalizimin e vizave. (Lajmifundit)